المساعد الشخصي الرقمي

مشاهدة النسخة كاملة : حل مشكلة توقف الهاتف عند شاشة البدأ او شعار سامسونج او شعار جوجل !



kodak
01-28-2013, 06:10 PM
السلام عليكم ورحمة الله وبركاته
يقابل الكثير مشكلة غريبة في هواتف الاندرويد وهى توقف الهاتف عند شاشة البدأ او شعار سامسونج او شعار جوجل !


615 616

الاول لازم نعرف بعض من الاسباب :
1. حدوث مشاكل في الروم
2.عند محاولة تنزيل روم جديد او عمل رووت للموبيل
3.حذف تطبيق ما وبالخطأ يتم حذف ملفات من النظام

تابعوا معى الحل الاولى لهذة المشكله :
اولا طبعا الجهاز مش بيبقي بيستجيب لاى زرار ولا حتى زرار القفل وعشان كدا هنشيل البطارية وبعدين نرجعها تانى
هندخل على قائمة الفاست البووت fast boot mode ( فتح الموبيل عن طريق الضغط على زرار الباور مع زراير الصوت لمدة ثلاث ثوانى في بعض الهواتف يتم الضغط على زرار الباور مع زرار تعلية الصوت فقط او ضغط زرار الباور مع زرار تعلية الصوت مع زرار القائمة الرئيسيه او الهوم)
هتظهرلنا قايمه دى

617

هنختار منها recovery (عن طريق استخدام زراير تعلية الصوت هنتحرك فوق وتحت ونختار بزرار الباور )


ثانيا هتظهرلنا الصورة دى
618

هندوس على زرار الباور بعدين زرار تعلية الصوت



هنختار Wipe cache -- wipe data او كل واحدة لوحدها لو مش في سطر واحد


621


لو الموبيل معملش ريستارت لوحدة ورجعلنا القايمة تانى هنختار System reboot


مبروك الموبيل رجع يشتغل تانى
ملحوظات هامة جدا
لو حسيت انك مش عارف تتحكم او دخلت في حاجه غلط ومش عارف ترجع ممكن تشيل البطارية وتبتدي من الاول .
بالنسبه للبيانات والتطبيقات
التطبيقات كلها هتتمسح
البيانات والضبط كله هيتمسح لكن الحاجات اللى على الميموري لا مش هيحصلها حاجه


الطريقة دى انا مجربها بنفسي لان المشكلة حصلت معايا

seifo717
01-28-2013, 06:31 PM
​تشكر على الموضوع الرائع :)

hossam hassan
01-28-2013, 09:24 PM
مش شغال ارجوك تفيدني انا معايا جلاكسي ميني 2

AymanCW
01-29-2013, 02:56 AM
تمام شرح جميل ومبسط

kodak
01-29-2013, 11:23 AM
مش شغال ارجوك تفيدني انا معايا جلاكسي ميني 2


خير يا فندم ايه اللى مش شغال بالظبط
هحتاج تقولى بعض المعلومات عن الموبيل
يعني حالته ايه دلوقتى بيحصل اية وبيستجيب ولا لا
ثانيا ايه اللى كان حصل معاك وعشان كدا ظهرت المشكله

pidooo
01-29-2013, 11:36 AM
فعلا المشكله دي بتحصل كتير وساعات لوحدها من غير سبب
بس امبارح انقذني روم الجيلي بين بتاع AymanCW وةقدرت احل المشكله في 7 دقايق

kodak
01-29-2013, 11:49 AM
فعلا المشكله دي بتحصل كتير وساعات لوحدها من غير سبب
بس امبارح انقذني روم الجيلي بين بتاع AymanCW وةقدرت احل المشكله في 7 دقايق

يا ريت يا بيدو تجيب لينك الموضوع دا هنا عشان الكل يستفيد ولو طريقتي محلتش المشكله يبقي يجرب طريقة AymanCW

tmk2296
01-29-2013, 12:03 PM
انا عندي نفس المشكله دي و جربت كل الطرق مش عايز يفتح قائمة الفاست البووت الموبايل بااااااايظ يالله عليك قولي اعمل ايه
انا موبيلي galaxy fit

tmk2296
01-29-2013, 12:12 PM
عملت كل اللي انت قولتو ولسه نفس المشكلة مش بيفتح !!!!!!!!!!!!!!!

kodak
01-29-2013, 12:33 PM
ياريت يا شباب اللى عنده نفس المشكله بس الطريقة دى مش نافعه معاه
يجاوب على الاسئله دى عشان اقدر اساعده
1: الموبيل حالته ايه دلوقتي يعني اية اللى بيحصل بالظبط لما تيجي تفتحه ؟
2: الموبيل بيستجيب لايه بالظبط من الزراير ؟
3: لو حاولت تجرب الطريقه دى هل الموبيل دخل اصلا على الفاس بووت ولا لا ؟
4: ايه اخر حاجه حصلت على الموبيل قبل المشكله يعني انت كنت بتعمل ايه بالظبط وحصلت المشكله بسببها ؟
5: نوع الموبيل ايه ؟

ياريت تردوا على الاسئله دى عشان اقدر اساعدكوا

tmk2296
01-29-2013, 01:13 PM
بس يا باشا اولا انا موبيلي galaxy fit
ثانيا انا كنت بتزل رووم كدا و بعد لما خلص كل حاجه وعمل restart مابقاش يفتح
اللي بيظهرلي هو www.samsung.com و بعد كدا بيكتبلي نوع الموبايل و رقمه ويفضل ثااابت علي كدا مش بيحصل اي حاجه انا سيبتو لغاية لما البطاريه تفصل و فصلت
انا عملت زي مانت بتقول و دوست علي زرار الباور مع زرار تعلية الصوت مع زرار القائمة الرئيسيه و بيفتح نفس اللي انت بتقولو و بيبقي في اختيارين Wipe cache -- wipe data
لما بدوس علي wipe data-factory reset بيظهرلي كذا اختيااار no و اختيار واحد Yes ومكتوب جنبه delete all user انا جربت ادوس Yes و جربت ادوس no و بعد كدا بدوس علي الخيار التاني Wipe cache وبعدين rebort system now و بيظهرلي نفس الحكايه ؟؟؟؟؟؟؟؟؟؟ اعمل ايه بالله عليك

kodak
01-29-2013, 02:14 PM
632

بعتذرلك انا في شغلى اول لما اروح هشوف الموضوع دا

tmk2296
01-29-2013, 02:22 PM
طب ماينفعش تقولي اي حل سرييييع بالله عليك انا مدا في حاجات مهمه مش عارف اقوووم بيها بسبب الموبيل !!!!!!!!!!!!!

kodak
01-30-2013, 10:39 AM
اسف على تاخيري
المشكله دي ليها حلول كتير بس احنا بنشوف الاسهل لان الباقي محتاج حد بروفيشينال
كدا اعتقد ان حصل خطأ اثناء نزول الروم
او
الروم نفسه فيه مشكله (لو دى اول مرة تستعمله )
عموما جرب تشوف طريقة تنزيل الروم لموبيلك هنا في المنتدى واتاكد انك عملت كل الخطوات صح وكمان جرب تنزل الروم الموجود على المنتدى
انا اسف خبرتي في تنزيل الروم قليله مش هقدر اساعدك اكتر من كدا

tmk2296
01-30-2013, 12:15 PM
لا تمااام شكرا انا نزلت رووم جديده وكلو تمام

kodak
01-30-2013, 01:18 PM
لا تمااام شكرا انا نزلت رووم جديده وكلو تمام

طب كويس زى الفل

space man
02-01-2013, 09:14 AM
السلام عليكم ورحمة الله وبركاته
أخى العزيز
انا معايا موبيل جلاكسى نوت 1 ومعلتلوش اى حاجة ولا روت ولا اى حاجة لسه
فصل شحن وحبيت اشحنه تانى مرضيش وبيطلع شعار النوت ويقف على كده
حبيت اشغله زى ما حضرتك قولت
جربت :
ادوس باور ورفع الصوت بيفتح الشعار ويقف
بدوس باور وتخفيض الصوت بيفتح حاجة اسمها اودين مود وفى شعار الاندرويد وكلمت downloading
فا ايه الحل بقى ؟؟؟

شكراً

space man
02-03-2013, 04:19 PM
شكراً جزيلاً

Omar Mohamed
05-06-2013, 07:22 AM
موبايلي LG c660
بيفتح بيجيب شعار LG بس !
قبل ما يحصل المشكله كنت بنزل روم و عمل ريستارت و هو بيعمل ريستارت حصلت المشكله دي
الموبايل بيفتح من الباور ولو دوست على زرار الباور و زرار تعلية او توطية الصوت هو هو مش بيعمل حاجه للاسف و جربت كل الطرق و مش عارف اعمل ايه ! :(

casper911
05-13-2013, 05:14 AM
السلام عليكم
أنا جهازي galaxy mini s5570
كنت بشغل ال wireless ما اشتغلش بعد كده قفل و بقى يفتح على شعار samsung و يفضل كده
جربت الطريقة اللى انت كاتبها و ظهر تلات حاجات منهم recovery و مكتوب جنبها pressed
و مش بيتحرك بزرار الصوت ولا أى حاجة
و كل ما اشيل البطارية و افتحه تانى ممكن يفتح و ممكن لا

mo_hu91
11-27-2013, 08:11 AM
جميل جدا,, لكن جربت ومنفعش معايا :(
موبايلي acer liquid E

أتمنى لو في حل تاني تقولي عليه

ملاحظة: اول ما بيفتح الجهاز بيطلعلي شاشة مخططة بالألوان (زي التلفزيونات القديمة كدة بس الخطوط بالعرض)

Ibrahim Hegazy
12-05-2013, 02:39 PM
انا عندى نفس المشكلة مع التاب p3100

احمد جمعة
12-13-2013, 07:17 AM
مش راضي يعمل wipedata

ezz123
12-21-2013, 02:58 PM
[SIZE=5]ؤالسلام عليكم انا عندي مشكلة توقف الجهاز عند شعار سامسونج جهازي نوعو Samsung galaxy gt-s5282 كنت بتحاول اغيلا الخط الناجليزي وعملتو وقالي رستسر الجهاز عشان يتشغل ورسترت وفتح ووقف عند شعار سامسونج وجرت طريقة الريكفري وكل حاجة اقدر اعملها قالولي نزل روم مش لاقي روم لجهازي ايه العمل وانا الالو بيفتح كدا يجبلي اسم الموبيل بعدين يجبلي شعارسامسونج ويفضلالشعار ينور ويطفي ويفضل واقف والجهاز بيقتح وضع الريكفري مع العلم اني عامل روت وكنت بركب خط وحطيت تعديل على ملف rebot-bold الي في السيستم وبيخض وضع الداونلود اكتر من كدا مش بيعمل ارجو الافادة في اسرع وقت لاني لما روحت سألت قالولي لازم سوفت وير بس لو روحت للضمان الضمان ملغي من على الجهاز عشان الروت اعمل اايه لو في طريقا اجيب بيها الروم الرسمي ارجووووووووكم قولولي وشكرااااا;)

ahmedmm
12-27-2013, 01:19 PM
تسلم ايدك دا انا كنت خلاص فقدت الامل